Cümə, 25 may 2018

Menu

Cümə, 25 may 2018

Yazarlar

ÜRFAN MƏMMƏDLİ

Tərlan Əhmədova hücum: sifariş, qərəz və fakt

10.05.2018 17:49

Son vaxtlar mətbuatda Tərlan Əhmədovun mövsümün sonunda "Neftçi"ni tərk edəcəyi barədə xəbərlər xeyli çoxalıb. Əlbəttə, müqaviləsi bitən məşqçi ilə əməkdaşlığın davam etdirilib-etdirilməməsi klub rəhbərliyinin müstəsna səlahiyyətlərinə daxildir. Rəhbərlik heç bir əsas göstərmədən müqaviləsi bitmiş məşqçi ilə deyil, başqası ilə müqavilə bağlaya bilər. Məlum olduğu kimi, mövsümün sonunda Tərlan Əhmədovun "Neftçi" ilə müqaviləsi bitir. Yəni onun postunda qalmaması üçün əsas var. Amma mətbuat (təbii ki, bütün mətbuatı nəzərdə tutmuram) bu əsası bir tərəfə atıb Tərlan Əhmədovun getməsini əsaslandırmaq üçün yeni arqumentlər "kəşf" etməyə çalışır. Həmin yazıların qərəzli və ya sifarişli olduğunu demək üçün əlimdə əsasım yoxdur. Amma gətirilən "arqumentlər" o qədər cılızdır ki, şübhələnməyə bilmirsən. Məsələn, Nizami Hacıyevin "Neftçi"yə transfer olunduğunu vaxtından əvvəl açıqlaması, mətbuat konfransında "Biz xristian deyilik ki, səhər yuxudan oyanan kimi ağzımızı söyüşlə açaq..." deməsi Tərlan Əhmədovun komandadan getməsini şərtləndirən səbəblər kimi göstərilir.

Doğrudur, səbəblər sırasında transfer məsələlərində yol verilən səhvlər də sadalanır və buna görə həqiqətən də, məşqçini tənqid etmək olar. Məsələn, qış transfer dönəmində komandaya gətirilən Mayk Kampaz, Lukas Qomez, Fransisko Qarsiya kimi futbolçuların əsasən ehtiyatda oturmasını baş məşqçiyə irad tutmaq olar. "Bunlar ehtiyatda oturacaqdısa niyə onlara sərmayə qoyulrdu?" sualını verməklə məşqçidən hesabat tələb etmək olar. Amma bütün bunlar məşqçinin komandadan getməsini şərtləndirən səbəblər sırasına o vaxt daxil edilə bilər ki, komanda zəif və ya qeyri-kafi nəticələr göstərsin. Tərlan Əhmədovun "Neftçi"dəki göstəriciləri isə onu tənqid edənlərin arqumentlərini alt-üst edir. Mən Tərlan Əhmədovun dahi məşqçi olduğunu iddia etmirəm. Onun indiyə qədər çalışdığı komandalarda qazaqndığı nəticələr heç vaxt ürəkaçan olmayıb. Amma "Neftçi"yə son gəlişindən sonra qazandığı uğurlara kölgə salmaq istəyi də insafdan deyil.

Məlum olduğu kimi, Sadıq Sadıqovun komandası "Neftçi"dən getdikdən sonra komanda bataqlığa düşüb. Oradan heç cür çıxa bilmir. Dəfələrlə baş məşqçilər dəyişsə də, rəhbərlik yenilənsə də "Neftçi" əvvəlki formasını qaytara bilmir. Komanda 2015-2016-cı il çempionatında 36 oyunda 49 xal toplayaraq 10 komanda arasında 6-cı, 2016-2017-ci il çempionatında 28 oyunda 29 xal toplayaraq 8 komanda arasında 7-ci yeri tutub. Hazırkı çempionatın startında da fərqli "Neftçi" görmədik. Komanda ilk 4 oyunda "Kəpəz"lə eyni miqdarda - cəmi bir xal toplayaraq sonuncu iki yeri bölüşdürürdü. 5-ci turdan etibarən komndanın sükanı arxasına Tərlan Əhmədov keçdi və hələlik əvvəlki "Neftçi"ni görə bilməsək də, komandada canlanma yarandı. Əgər çempionatın 4-cü turundan sonra keçirilən oyunlar üçün yarış cədvəli tərtib etsək, "Neftçi"nin yalnız "Qarabağ"dan geri qaldığnı görərik.

Komandalar

Oyun

Qələbə

Heç-heçə

Məğlubiyyət

Top fərqi

Xal

1

"Qarabağ"

22

15

5

2

28-8

50

2

"Neftçi"

22

12

3

7

33-21

39

3

"Qəbələ"

22

10

6

6

36-21

36

4

"Sumqayıt"

22

9

7

6

29-25

34

5

"Zirə"

22

7

7

8

23-25

28

6

"Səbail"

22

5

5

12

16-30

20

7

"Keşlə"

22

4

7

11

20-34

19

8

"Kəpəz"

22

3

4

15

13-35

13

Cədvəldən göründüyü kimi, Tərlan Əhmədovlu "Neftçi" təkcə xalların sayında deyil, digər göstəricilərdə də sıçrayışlı nəticələr göstərib: Qələbələrin sayında yalnız "Qarabağ"dan, vurulan topların sayında yalnız "Qəbələ"dən, buraxılan topların sayında yalnız "Qarabağ"dan geri qalıb və "Qəbələ" ilə eyni nəticə göstətib.

Məntiqlə baxsaq, bu cür nəticələr qazanmış məşqşi ilə müqavənin müddətinin artırılması barədə danışıqlar aparmaq üçün yollar axtarılmalıdır. Mətbuatda çıxan yazılar isə başqa şeydən xəbər verir. Bu yazılar Tərlan Əhmədovu gözdən salmaq məqsədi güdür. Əgər bunlar klub rəhbırliyinin sifarişi ilə edilirsə, onda təəssüflənməkdən başqa bir şey qalmır. Axı, Tərlan Əhmədovun müqaviləsi başa çatır, onunla ayrılmaq üçün sadəcə vaxtı gözləmək yetərlidir.

Bəlkə də klub rəhbərliyinin bu yazılardan xəbəri yoxdur. Onda da jurnalistikamızın günənə ağlamalı olacağıq. Qərəzlə fakta qalib gəlmək mümkün deyil. Əlahəzrət faktlar isə Tərlan Əhmədovun xeyrinədir.

Oxundu: 180

  • Tərlan Əhmədova hücum: sifariş, qərəz və fakt

    10.05.2018 17:49
    Son vaxtlar mətbuatda Tərlan Əhmədovun mövsümün sonunda "Neftçi"ni tərk edəcəyi barədə xəbərlər xeyli çoxalıb.
  • Azərbaycan reallığı və futbolçu maaşı

    15.01.2018 16:56
    Əgər futbolumuzun və futbolçumuzun inkişaf etməsini istəyiriksə, Azərbaycan reallığı və futbolçunun maaşı məsələsinə bir nizam gətirilməlidir.
  • AFFA-nın "qüruru" - U-21

    07.09.2017 14:40
    Dünən U-21-in baş məşqçisi Yaşar Vahabzadə istefaya göndərilib.
  • "Qarabağ"ın qələbəsi

    24.08.2017 15:27
    "Qarabağ" Danimarkanın "Kopenhagen" komandasını üstələyərək Avropa Çempionlar Liqasının qrup mərhələsinə vəsiqə qazandı.
  • Futbolumuzda ikili müqavilə faktı

    16.08.2017 16:50
    Bu günlər Azərbaycan fotbolunun gündəliyini "Qarabağ"-"Kopenhagen" oyunu qədər zəpt edən ikinci bir mövzu da var.
  • "Qarabağ" və "Qəbələ": davam, ya tamam?

    28.07.2017 15:34
    Kim şanslıdır: hücum, yoxsa əks-hücum komandası
  • İki cəbhədə qazanılan uğurun dadı

    30.06.2017 16:38
    Dünən Avrokubok oyunlarında ölkəmizi təmsil edən "Zirə" və "İnter" üzümüzü güldürdü.
  • Tarixə düşəcək oyun

    09.03.2017 18:53
    Futbol üzrə Avropa Çempionlar Liqasının 1/8 final oyunlarının cavab qarşılaşmaları ərəfəsində, yəqin ki, böyük əksəriyyət "Barselona"- PSJ qarşılaşmasının maraqsız olacağını düşünürdü.
  • Penalti, qırmızı kart, 98 dəqiqəlik oyun  və ...

    30.11.2016 15:39
    "Qarabağ"-"Qəbələ" oyunu təkcə maraqlı mübarizə ilə deyil, həm də qalmaqallarla yadda qaldı.
  • "Baksell arena"nın  dərdləri

    07.11.2016 16:50
    Yəqin ki, sərlövhəni oxuyan hər kəs ilk növbədə  "Baksell arena"nın qazonunun vəziyyətini göz önünə gətirəcək.  Cəmi  3-4 yaşı olan meydançanın qazonun "xəstəliyini" sağaltmağa qadir olan bir "həkimin" tapılması müşkülə düşüb.
  • Joze Luiş Mendeş Andrade kimdir?

    30.10.2016 12:13
    Bu suala qısaca cavab versək, deyə bilərik ki, Kabo-Brede respublikasının dünya futboluna verdiyi töhfə.
  • Müşahidə Şurası

    27.06.2016 16:06
    AFFA 2015-ci ildə futbolumuzda yenilik tətbiq etdi. Adını da Müşahidə Şurası qoydu. Premyer Liqa klublarının bir neçəsi dərhal bu yeniliyi qəbul etdi. Amma qəbul etməyənlər də oldu. Bəs bu Müşahidə Şurası nədir? Niyə bu təklif birmənalı qarşılanmır?
  • “Böyük oyunlar”ın balaca qurbanları

    27.06.2016 15:49
    10 ildir futbolumuza yeni məfhum gətirilib: “böyük oyun”. “Xəzər-Lənkəran”la “Neftçi” arasında keçirilən oyunlara, nədənsə, “böyük oyun” deyirlər. Uşaq yaşlarımdan futbol azarkeşi olsam da, hələ bizim komandalarımızın iştirakı ilə “böyük oyun” keçirilməsinin şahidi olmamışam.
  • “Qəbələ”nin enişi

    17.05.2016 13:51
    Futbol üzrə 24-cü Azərbaycan çempionatının ilk yarsı başa çatdı.

© 2018 - NSPSOLUTIONS