Bazar ertəsi, 17 dekabr 2018

Menu

Bazar ertəsi, 17 dekabr 2018

Yazarlar

ÜRFAN MƏMMƏDLİ

Rauf Cabbarovun şübhəli qərarı

26.11.2018 17:59

Topaz Premyer Liqasının XII turunun "Səbail" - "Neftçi" oyununda hakim Rauf Cabbarovun meydan sahiblərinin qapısına təyin etdiyi 11 metrlik zərbə birmənalı qarşılanmayıb. "Səbail"in futbolçuları hakimlə müdahisəyə girişsələr də bunun faydası olmayıb. Oyunun 52-ci dəqiqəsində təyin olunan bu penaltiyə qədər hesab 1:0 "Neftçi"nin xeyrinə idi. Flaqmanın kapitnı bu zərbəni dəqiq yerinə yetirərək komandasının hesabda üstünlüyün daha da möhkəmlətdi. Oyunun son 15-20 dəqiqəsində "Səbail" hücumlarının sayını artırsa da, oyunda dönüş yarada bilmədi.

"Neftçi"nin kapitanı Emin Mahmudov mətbuata verdiyi açıqlamada penaltinin oyunun nəticəsinə təsiri olmadığını iddia edib. Amma bütün hallarda əgər hakimin qərarı səhv olubsa və bunun nəticəsində qol vurulubsa, deməli, bu səhv oyunun nəticəsinə təsir etmiş olur. Mahmudovun iddia etdiyi kimi, əgər penaltiyə qədər meydan sahibləri qol vəziyyəti yarada bilməyibsə, bu o demək deyil ki, ondan sonra yaratmayacaqlar. Əgər oyunun son 10-12i dəqiqəsində hesab minumum olsaydı, meydan sahiblərinin daha istəkli olmayacaqlarını, bir xalı son dəqiqəyədək xilas etmək uğrunda mübarizə aparmayacaqlarını kim iddia edə bilərdi? Amma 2:0-lıq hesab artıq məğlubiyyətlə barışmağı diqtə edirdi.

Bəs hakimin penalti qərarı doğru idimi? Bu suala birmənalı cavab vermək çətindir. Məsələ burasındadır ki, müdafiəçinin əllə oynadığını təkrar videogörüntülər də təsdiqləmir. Daha doğrusu, videogörüntülərin keyfiyyəti aşağı olduğundan futbolçunun əllə oynayıb-oynamadığını müəyyən etmək mümkün olmur. Hakim Rauf Cabbarov Topaz Premyer liqasında oyun idarə edən ən təcrübəli hakimlərdən biridir. Adətən, cevikliyi və cəsarətli qərarları ilə fərqlənən bu hakimin bu dəfə oyuna hazırlıqsız çıxdığı açıq-aydın hiss olunurdu.

Penalti elə bir qərardır ki, 100 faiz əmin olmadıqda bu qərar verilməməlidir. Epizodda müdafiəçinin aşkar əllə oynadığı da, qapıya ciddi bir təhlükə olduğu da görünmür. Bəs onda müdafiəçi niyə əllə oynamalı idi? Zənnimizcə, həmin epizodda top ələ dəymiş olsaydı belə, penalti təyin olunmamalı idi. Çünki topun ələ dəyməsi hələ qayda pozuntusu demək deyil. Bəs Rauf Cabbarov niyə belə mübahisəli qərarı verdi? Suala yəqin ki, hakim özü cavab verə bilər. Oyunun hakim-inspektoru Rauf Cabbarova hansı qiyməti verib? Bu da bizə bəlli deyil. Növbəti oyunlarda hakimin təyinat alıb-almaması bəzi suallara aydınlıq gətirəcək.

Bir şeyi unutmamaq lazımdır ki, hakim qərarlarını bir anın içində verir. Biz isə həmin qərarın doğru olub-olmadığını videogörüntülərə baxaraq veririk. Təəssüf ki, çempionatın yayım hüququna sahib olan "CBC-sport" kanalı keçən illərdən fərqli olaraq, bu il yayımın keyfiyyətini xeyli aşağı salıb. Hətta canlı efir zamanı belə, yayımda naşılıq hiss olunur. TV kanalın "Səbail"-"Neftçi" oyununu neçə kamera ilə çəkdiyini bilmirik. Bilidiyimiz odur ki, penaltı epizodunu bizə yalnlız bir prizmadan göstərə bildilər, o da çox aşağı səviyyədə. Əslində oyunların keçirilməsinə məsul olan PFL yayımın səviyyəsinin yüksəldilməsini "CBC-sport"dan tələb etməlidir. Təəssüf ki, futbola indi çoxları, hətta bu işə məsul olanlar belə, barmaqarası baxır.

Oyunda mübahisəli bir penalti qərarın verilməsi təkcə mətbuatı deyıl, həm də futbola cavabdeh olanları narahat etməlidir. Amma bunun əksini müşahidə edirik. Şübhəli qərarın müzakirəsi yalnız mətbuatda gedir. Niyə?

Oxundu: 136

  • Rauf Cabbarovun şübhəli qərarı

    26.11.2018 17:59
    Müdafiəçinin əllə oynadığını təkrar videogörüntülər də təsdiqləmir
  • Futbolun inkişafına sıfırdan başlanmalıdır

    18.11.2018 20:32
    Gəlin, özümüzü aldatmayaq. Futbolu inkişaf etdirməyə başlayaq.
  • "Səbail"lə ehtiyatlı olun!!!

    23.10.2018 18:06
    Yenə protokol xətası, yenə "Səbail"in xeyrinə
  • Protokol xətası və hakim məsuliyyəti

    20.10.2018 22:41
    Cari mövsümdə Topaz premyer Liqasında ikinci dəfə protokol xətası baş verib.
  • Mərdi qovmazlar

    15.10.2018 17:41
    Mahir hələ 22 yaşındadır. Bu yaşda futbolçunu hədsiz tərifləyərsən, ulduz xəstəliyinə tutular, sərt tənqid edərsən, bildiyini də itirər.
  • Futbol ölkəsi olmaq üçün

    20.09.2018 19:21
    Futbol qayğıya möhtac olan idman növüdür, qayğı göstərərsən inkişaf edər, göstərməzsən, "Azərbaycan futbol ölkəsi deyil" kimi bəhanə uydurmaq məcburiyyətindəsən.
  • BATE və "Qarabağ"

    16.08.2018 19:06
    Bu tipli oyunlarda gözəl futboldan çox, müsbət nəticə önəmlidir. BATE də bu prinsipi əsas tutub bizim "Qarabağ"ımızı üstələdi.
  • "Qarabağ"ın hesabına Azərbaycan futbolu

    15.08.2018 17:14
    Avropa liqası "Qarabağ"ı formada saxlamaq üçün ən faydalı vasitədir. Ümid edirəm ki, "Qarabağ" Avroliqanın qrup mərhələsinə vəsiqə qazana biləcək.
  • Tərlan Əhmədova hücum: sifariş, qərəz və fakt

    10.05.2018 17:49
    Son vaxtlar mətbuatda Tərlan Əhmədovun mövsümün sonunda "Neftçi"ni tərk edəcəyi barədə xəbərlər xeyli çoxalıb.
  • Azərbaycan reallığı və futbolçu maaşı

    15.01.2018 16:56
    Əgər futbolumuzun və futbolçumuzun inkişaf etməsini istəyiriksə, Azərbaycan reallığı və futbolçunun maaşı məsələsinə bir nizam gətirilməlidir.
  • AFFA-nın "qüruru" - U-21

    07.09.2017 14:40
    Dünən U-21-in baş məşqçisi Yaşar Vahabzadə istefaya göndərilib.
  • "Qarabağ"ın qələbəsi

    24.08.2017 15:27
    "Qarabağ" Danimarkanın "Kopenhagen" komandasını üstələyərək Avropa Çempionlar Liqasının qrup mərhələsinə vəsiqə qazandı.
  • Futbolumuzda ikili müqavilə faktı

    16.08.2017 16:50
    Bu günlər Azərbaycan fotbolunun gündəliyini "Qarabağ"-"Kopenhagen" oyunu qədər zəpt edən ikinci bir mövzu da var.
  • "Qarabağ" və "Qəbələ": davam, ya tamam?

    28.07.2017 15:34
    Kim şanslıdır: hücum, yoxsa əks-hücum komandası
  • İki cəbhədə qazanılan uğurun dadı

    30.06.2017 16:38
    Dünən Avrokubok oyunlarında ölkəmizi təmsil edən "Zirə" və "İnter" üzümüzü güldürdü.
  • Tarixə düşəcək oyun

    09.03.2017 18:53
    Futbol üzrə Avropa Çempionlar Liqasının 1/8 final oyunlarının cavab qarşılaşmaları ərəfəsində, yəqin ki, böyük əksəriyyət "Barselona"- PSJ qarşılaşmasının maraqsız olacağını düşünürdü.
  • Penalti, qırmızı kart, 98 dəqiqəlik oyun  və ...

    30.11.2016 15:39
    "Qarabağ"-"Qəbələ" oyunu təkcə maraqlı mübarizə ilə deyil, həm də qalmaqallarla yadda qaldı.
  • "Baksell arena"nın  dərdləri

    07.11.2016 16:50
    Yəqin ki, sərlövhəni oxuyan hər kəs ilk növbədə  "Baksell arena"nın qazonunun vəziyyətini göz önünə gətirəcək.  Cəmi  3-4 yaşı olan meydançanın qazonun "xəstəliyini" sağaltmağa qadir olan bir "həkimin" tapılması müşkülə düşüb.
  • Joze Luiş Mendeş Andrade kimdir?

    30.10.2016 12:13
    Bu suala qısaca cavab versək, deyə bilərik ki, Kabo-Brede respublikasının dünya futboluna verdiyi töhfə.
  • Müşahidə Şurası

    27.06.2016 16:06
    AFFA 2015-ci ildə futbolumuzda yenilik tətbiq etdi. Adını da Müşahidə Şurası qoydu. Premyer Liqa klublarının bir neçəsi dərhal bu yeniliyi qəbul etdi. Amma qəbul etməyənlər də oldu. Bəs bu Müşahidə Şurası nədir? Niyə bu təklif birmənalı qarşılanmır?
  • “Böyük oyunlar”ın balaca qurbanları

    27.06.2016 15:49
    10 ildir futbolumuza yeni məfhum gətirilib: “böyük oyun”. “Xəzər-Lənkəran”la “Neftçi” arasında keçirilən oyunlara, nədənsə, “böyük oyun” deyirlər. Uşaq yaşlarımdan futbol azarkeşi olsam da, hələ bizim komandalarımızın iştirakı ilə “böyük oyun” keçirilməsinin şahidi olmamışam.
  • “Qəbələ”nin enişi

    17.05.2016 13:51
    Futbol üzrə 24-cü Azərbaycan çempionatının ilk yarısı başa çatdı.

© 2018 - NSPSOLUTIONS