Kolumbiyada keçirilən futzal üzrə DÇ-2016-nın 1/8 final mərhələsində növbəti 3 oyun keçirilib. Mundialın ən böyük sensasiyası da bu oyun gününə təsadüf edib. Əvvəlki 7 çempionatın 5-də qalib gələn və yenə əsas favorit sayılan Braziliya gözlənilmədən mübarizəni dayandırıb. Pentakampeonlar 4:4 hesabı ilə başa çatan matçın penaltilər seriyasında İrana uduzub – 2:3. Asiyalılar 1/4 finalda Paraqvayla qarşılaşacaq.Digər iki oyunda isə pireneylilər asan qələbə qazanıb. İspaniya Qazaxıstanı 5:2, Portuqaliya Kosta-Rikanı 4:0 hesabı ilə məğlub edib. Bununla da Portuqaliya Azərbaycan yığmasının potensial rəqibi olub. Bu gün Tailandla görüşən millimiz mərhələ keçsə, 1/4 finalda pireneylilər qarşılaşacaq. İspaniya isə növbəti raundda Rusiya ilə üz-üzə gələcək.
Futzal üzrə DÇ-2016
1/8 final
21 sentyabr
Braziliya – İran – 4:4, pen.2:3
İspaniya – Qazaxıstan – 5:2
Portuqaliya – Kosta-Rika – 4:0