VOLEYBOL

Bu gün qadın voleybolçular arasında Azərbaycan Super Liqasında 23 günlük fasilə başa çatıb."Azərreyl" - "Lokomotiv" görüşü təxirə salındığından, III dövrənin startı 1 matçla verilib. “Gənclik” Olimpiya Kompleksində baş tutan yeganə oyunda “Telekom” “Azəryol”u qəbul edib. Liderliyini qorumaq istəyən Zoran Qayiçin komandasını yalnız 3 xal qane edirdi. “Azəryol” isə heç olmasa, 1 xala ümid edirdi. Ancaq “Telekom” bu dəfə də rəqibinə heç bir şans verməyib. “Azəryol” yalnız 1 seti üstün tamamlayıb ki, bu da xal qazanmaq üçün kifayət etməyib. Nəticədə 3:1 hesablı qələbə qazanan “Telekom” liderliyini möhkəmlədib.

Super Liqa

21 yanvar

“Telekom” – “Azəryol” - 3:1 (25:19, 25:15, 19:25, 25:21)

“Gənclik” Olimpiya Kompleksi

I dövrə: “Telekom” – “Azəryol” - 3:1 (23:25, 25:19, 25:15, 26:24)

II dövrə: “Azəryol” - “Telekom” - 2:3 (24:26, 13:25, 31:29, 25:18, 6:15)