İslam Həmrəylik Oyunları çərçivəsində keçiriləcək qadın voleybolçuların yarışının təqvimi müəyyənləşib. Yarışın Əməliyyat Komitəsindən verilən məlumata görə, xanımların mübarizəsində cəmi 5 komanda qüvvəsini sınayacaq. Azərbaycan millisi Türkiyə, Kamerun, Tacikistan və Qırğızıstanla mübarizə aparacaq. Bu komandalar dairəvi sistemlə mübarizə aparacaq. İlk 4 yerin sahibi isə yarımfinala vəsiqə qazanacaq. Faiq Qarayevin yetirmələri öncə Qırğızıstan, ardınca Tacikistan, Türkiyə və Kamerunla üz-üzə gələcək. Millimiz son turda istirahət edəcək. Çempionluğa əsas namizədlər Türkiyə və Azərbaycan arasında matç mayın 14-də keçiriləcək.
Qadın voleybolçuların yarışı mayın 11-də start götürəcək. Bakı Kristal Zalında keçiriləcək yarışa ayın 18-də yekun vurulacaq.
I tur
11 may
19:00. Azərbaycan – Qırğızıstan
21:30. Türkiyə - Kamerun
II tur
13 may
19:00. Azərbaycan - Tacikistan
21:30. Türkiyə - Qırğızıstan
III tur
14 may
19:00. Azərbaycan – Türkiyə
21:30. Tacikistan – Kamerun
IV tur
15 may
19:00. Azərbaycan – Kamerun
21:30. Tacikistan – Qırğızıstan
V tur
16 may
19:00. Kamerun – Qırğızıstan
21:30. Türkiyə - Tacikistan
Yarımfinal
17 may
17:00. I yerin sahibi – IV yerin sahibi
19:30. II yerin sahibi – III yerin sahibi
18 may
17:00. III yer uğrunda
19:30. Final
22:00. Mükafatlandırma mərasimi