Bu gün “Kəpəz”in baş məşqçisi Şahin Diniyevin doğum günüdür. Məşqçinin 50 yaşı tamam olur. Şahin müəllimi yubileyi münasibəti ilə təbrik edir, bütün arzularının həyata keçməsini diləyirik.
Uyub bir xoş niyyətə,
Gəl çəkilib xəlvətə,
Çayımızı içə-içə.
Biz başlayaq söhbətə.
Bəli, yaşım əllidir,
Bu, çoxuna bəllidir.
Hər qələbə, hər zəfər
Gümrahlığın rəhnidir.
Tükənməzdir həvəsim,
Məndə iradə, əzm.
Yeni tarix yazacaq
Bu mövsümdə “Kəpəz”im.
Zəhmətə salıb meyil,
Çox şeyə oldum nail.
Hər oyun yanımdadır
Bax, bu bizim Mikayıl.
”Kəpəz” mənim qalamdır,
Azakeşlər canımdır.
İnanın, bu sözümə
Hər oyunçu balamdır.
Xoşdur mənim niyyətim,
Niyyətdəndir qüvvətim.
Yaxşı oyunçulara
Vardır mənim hörmətim.