DİGƏR NÖVLƏR

Polşanın paytaxtı Varşavada cüdo üzrə Avropa çempionatında böyük uğura imza atmış cüdoçularımız artıq Vətənə dönüblər. Mötəbər turnirdə 2 qızıl, 3 bürünc qazanan və medalların əyyarına görə kişilərin komanda hesabında ikinci olan millimizin üzvlərini Heydər Əliyev Beynəlxalq Hava Limanında Azərbaycan Cüdo Federasiyasının rəsmiləri, idman ictimaiyyətinin nümayəndələri, jurnalistlər və idmançıların ailə üzvləri qarşılayıblar.
Qeyd edək ki, Avropa çempionatında Hidayət Heydərov (73 kq), Elxan Məmmədov (100 kq) qızıl, Orxan Səfərov (60 kq), Nicat Şıxəlizadə (66 kq) və Rüstəm Orucov (73 kq) bürünc medal qazanıblar.