çərşənbə axşamı, 21 noyabr 2017

Menu

çərşənbə axşamı, 21 noyabr 2017

GÜLƏŞ

Hacı və Cəmaləddin qızıl, Murtuz gümüş, Şərif bürünc medal qazandı

20.05.2017 19:47

Paytaxtımızda keçirilən IV İslam Həmrəyliyi Oyunları çərçivəsində Heydər Əliyev adına İdman Arenasında güləş yarışları davam edir. Yarışlarda sərbəst, yunan-Roma və qadın güləşi üzrə yığma komandamız mübarizə aparır.

Güləş yarışlarının üçüncü günündə yığmamızın üzvlərindən Mahir Əmiraslanov (57 kq) və Nurməhəmməd Hacıyev (97 kq) qızıl, Məhəmməd Müslümov (65 kq) isə gümüş medal qazanıb.

Yarışların dördüncü günündə 61, 70, 86 və 125 kq çəkidə sərbəst güləşçilər mübarizə aparıb. Güləşçilərimiz günü 2 qızıl, 1 gümüş və 1 bürünc medalla başa vurub. Bütün rəqiblərini məğlub edən Hacı Əliyev (61 kq) və Cəmaləddin Məhəmmədov (125 kq) fəxri kürsünün ən yüksək pilləsində qərarlaşıb. Yalnız final görüşündə uduzan Murtuz Müslümov (70 kq) gümüş medalla kifayətlənib. Şərif Şərifov (86 kq) isə bürünc medal qazanıb.

Beləliklə, IV İslam Həmrəyliyi Oyunlarında sərbəst güləş yarışları başa çatıb. Baş məşqçi Firdovsi Umudov, böyük məşqçi Zəlimxan Hüseynov, məşqçilər Arif Abdullayev və Sadruddin Ayqubovun rəhbərlik etdiyi yığma komandamız Oyunları 4 qızıl, 2 gümüş və 1 bürünc medalla yekunlaşdırıb.

61 kq
FİNAL - Alibek Osmonov (KGZ) - Hacı Əliyev 0:10
1/2 final - Hacı Əliyev - İsmaelpoorjouybari (İRİ) 8:1
1/4 final - Hacı Əliyev - T.Xocayev (TJK) 9:0
1/8 final - Hacı Əliyev - S.Myradov (TKM) 10:0

70 kq
FİNAL - Murtuz Müslümov - Mostafa Hosseinkhani (İRİ) 0:10
1/2 final - Murtuz Müslümov - R.Sadybakasov (KGZ)
1/4 final - Murtuz Müslümov - Z.Dama (TUR) 6:0

86 kq
Bürünc medal görüşü - Baxodur Kodirov (TJK) - Şərif Şərifov 0:11
1/2 final - Yazdanicharati (İRİ) - Şərif Şərifov 11:0
1/4 final - M.İnam - Şərif Şərifov 1:11
1/8 final - N. Al Mushatta (İRQ) - Şərif Şərifov 0:10

125 kq
FİNAL - Cəmaləddin Məhəmmədov - Daulet Şabanbay (KAZ) 12:8
1/2 final - Cəmaləddin Məhəmmədov - J.Sadeghzadeh (İRİ) 7:3
1/4 final - Cəmaləddin Məhəmmədov - R. Alkrad (SYR) 10:0

Oxundu: 573

© 2017 - NSPSOLUTIONS