cümə, 26 aprel 2024

DİGƏR NÖVLƏR

Avropa çempionatında uğurla çıxış edən karateçilər mükafatlandırılıb

12.02.2018 17:57 Oxundu 2312

Azərbaycan Milli Karate Federasiyasının (AMKF) rəhbərliyi Rusiyanın Soçi şəhərində yeniyetmə və gənclərin Avropa çempionatında uğurla çıxış edən yığma komandanın üzvləri ilə görüşüb.

Cempion.az AMKF-nin rəsmi saytına istinadən xəbər verir ki, federasiya prezidenti Yaşar Bəşirov və I vitse-prezident Fərid Əsgərov 4 qızıl, 1 gümüş və 1 bürünc medal qazanan idmançıları təbrik edərək bu nəticəni aşağı yaş qruplarında tarixi uğur kimi dəyərləndiriblər.

Federasiya rəhbərliyi dövlət tərəfindən göstərilən qayğı müqabilində, eyni zamanda Azərbaycanın idman ölkəsi imicinin qorunması üçün bundan sonra da məsuliyyətlə çalışmağın və yüksək nəticələr göstərməyin əsas məqsəd kimi qarşıya qoyulduğunu xatırladıb.

Yeniyetmə və gənclər yığmalarının məşqçisi Anar Allahverdiyev qitə çempionatına hazırlıq işlərində lazımi dəstəyə görə federasiya rəhbərliyinə minnətdarlığını bildirib. Görüş zamanı həmçinin növbəti yarışlara hazırlıq məsələləri müzakirə olunub. Yığıncağın sonunda Avropa çempionatında fərqlənən idmançılar mükafatlandırılıb.