çərşənbə axşamı, 19 iyun 2018

Menu

çərşənbə axşamı, 19 iyun 2018

BIZIM FUTBOL

“Söz-söhbətlər üzündən sevinci tam yaşaya bilmirdik” - Tərlan Əhmədov

22.05.2018 10:19

“Neftçi”nin baş məşqçisi Tərlan Əhmədov Azərbaycan Premyer Liqasının bürünc medallarını qazandıqdan sonra jurnalistlərin suallarını cavablandırıb.

- Baş məşqçi kimi ilk medalınızı qazandız. Hansı hissləri keçirirsiz?

- Açığı, bəlkə də ilk dəfədi etiraf edirəm: "Neftçi"yə gəldiyim vaxt 2017-ci il sentyabrın 11-i idi. Sonra 2 gün də komanda ilə birgə oldum. Öz-özümə fikirləşdim ki, hara gəlmişəm? Niyə burada işləməyi boynuma götürərək, bu səhvi etdim? Çünki durum həddindən artıq acınacaqlı idi. Amma artıq iş işdən keçmişdi. Daxildə olan xaos, ayrıseçkilik, futbolçular, legionerlərin özləri arasında qruplaşmalar mövcud idi. Buna baxmayaraq, tədricən, səbrlə işimizi görməyə başladıq. Düzdü, üçüncü yeri tutmuşuq, amma bunun sevincini, ab-havasını indi hiss etdim. Hər oyundan sonra qələbə qazandıqca təzyiqlər, söz-söhbətlər üzündən o sevinci tam yaşaya bilmirdik. Lakin bu gün bu medal boynuma asılanda hiss etdim ki, mən də nəyəsə nail olmuşam və nədəsə əməyim var. Sadəcə, bunu bu gün hiss etdim.

- Bürünc medal qazansaz da, yenə söz-söhbətlər var ki, Tərlan Əhmədov "Neftçi"də qalmayacaq. Əslində vəziyyət necədi və nə baş verəcək?

- Düzü, bilmirəm. Söz-söhbətlər həmişə olub və olacaq. Amma gördüyünüz kimi, qışdan sonra heç bir reaksiya vermədən, səbrlə, təmkinlə işimi davam etdirdim. Bilirdim ki, belə söz-söhbətlər olacaq. Olmasaydı belə, başqa şeylər ortaya çıxacaqdı. Bunların hamısını tədricən arxada qoyduq. Lakin bu gün də bilmirəm necə olacaq. Çünki söz sahibləri klubun idarə heyətində yer alanlar, sponsorlardı. Hələlik sakitlikdi. Dünən son oyunumuzu keçirmişik, bu gün isə mükafatlarımızı almışıq. Hər halda yaxın günlərdə bəlli olar.

- Postunuzda qalmamağınız sizə qarşı ədalətsizlik ola bilərmi?

- O barədə heç nə deyə bilmərəm. Hər halda işimiz bundan ibarətdi. Daim çemodanımız yanımızda olur. Uğur da, uğursuzluq da olanda baş məşqçi yola salınır. Hər halda, istənilən qərarı normal qarşılayacam.(Qafqazinfo)

Oxundu: 84

© 2018 - NSPSOLUTIONS