31.05.2018 09:58
1988
Türkiyənin "Qalatasaray" klubunun və Uruqvay milli komandasının qapıçısı Fernando Muslera Rusiyada keçiriləcək futbol üzrə dünya çempionatından kənarda qala bilər.
32 yaşlı qolkiper məşqlərin birində əlindən xəsarət alıb. Onun zədəsinin ciddilik dərəcəsinə tezliklə rentgen müayinəsindən sonra aydınlıq gələcək.
Muslera yığmanın əsas qapıçısı sayılır. Ondan əlavə, millidə Martin Silva ("Vasku da Qama", Braziliya) və Martin Kampanya ("İndependyente", Argentina) da yer alıb.
Dünya çempionatında Uruqvayla birgə A qrupunda Səudiyyə Ərəbistanı, Rusiya və Misir də mübarizə aparacaq.