DÜNYA FUTBOLU

Panama yığması DÇ-2018 üçün yekun heyətini açıqlayıb.

Apasport.az saytının məlumatına görə, komandanın baş məşqçisi Ernan Dario Qomes mundialda güvənəcəyi “23-lüy”ü müəyyənləşdirib.

O, ilkin siyahıdan 12 futbolçunu çıxarıb. Yalnız qapıçılar istisna təşkil edib.

Qeyd edək ki, Panama iyunun 14-də Rusiyada start götürəcək dünya çempionatında Tunis, İngiltərə və Belçika ilə birlikdə G qrupunda yer alıb.

Qapıçılar: Xose Kalderon (“Çorrillo”), Xayme Penedo (“Dinamo”, Buxarest, Rumıniya), Aleks Rodriges (“San Frantsisko”);

Müdafiəçilər: Adolfo Maçado (“Dinamo Hyuston”, ABŞ), Fidel Eskobar, Mikael Murilyo (hər ikisi “Nyu-York Red Bulls”, ABŞ), Felipe Baloy (“Munisipal”, Qvatemala), Roman Torres (“Sietl Saunders”, ABŞ), Erik Devis (“Dunayska”, Slovakiya), Luis Ovale (“Olimpiya”, Honduras), Qarold Kumminqs (“San-Xose”, ABŞ);

Yarımmüdafiəçilər: Qabriel Qomes (“Atletiko Bukaramanqa”, Kolumbiya), Anibal Qodoy (“San-Xose”, ABŞ), Alberto Kintero (“Universitario”, Peru), Armando Koper (“Universidad de Çili”, Çili), Xose Luis Rodriqes (“Gent”, Belçika), Valentin Pimentel (“Plasa Amador”, Panama), Edqar Barsenas (“Kafetaleros de Tapaçula”, Meksika);

Hücumçular: Blas Peres (“Munisipal”, Qvatemala), Luis Tehada (“Sports Boyz”, Peru), Qabriel Torres (“Uaçipato”, Çili), Abdiel Arroyo (“Alahuelense”, Kosta-Rika), İsmael Dias (“Deportivo”, İspaniya).