çərşənbə axşamı, 19 mart 2024

BİZİM FUTBOL

“Qarabağ”ın oyunu təxirə salındı

09.08.2018 09:16 Oxundu 2440

Ölkəmizi Çempionlar Liqasında təmsil edən "Qarabağ" klubu Peşəkar Futbol Liqasına (PFL) müraciət edib.

PFL-dən Cempion.az-a verilən məlumata görə, "Qarabağ" III təsnifat mərhələsinin BATE ilə keçiriləcək cavab oyununa daha yaxşı hazırlaşmaq üçün Topaz Premyer Liqasının 2018/2019-cu illər mövsümünün I turunda keçirilməli olan "Zirə" ilə görüşün təxirə salınmasını xahiş edib.

"Qarabağ"ın qitənin ən nüfuzlu klub turnirində çıxışını nəzərə alan Peşəkar Futbol Liqası I turun təqvimində aşağıdakı dəyişikliklə bağlı qərar qəbul edib.

Topaz Premyer Liqasının I turunun "Qarabağ"-"Zirə" matçı avqustun 10-dan sentyabrın 26-a keçirilib.