çərşənbə, 21 noyabr 2018

Menu

çərşənbə, 21 noyabr 2018

BIZIM FUTBOL

Roberto Bordin: "Rəqib bizi əks-hücumlarda tutmağı bacardı"

20.10.2018 21:48

"Neftçi” PFK-nın baş məşqçisi Roberto Bordin Topaz Premyer Liqasında 8-ci turun "Qəbələ” klubu ilə oyunsonrası mətbuat konfransında fikirlərini açıqlayıb. İtaliyalı mütəxəssis qol imkanlarını qaçırdıqları üçün təssüfləndiyini bildirib: "Qəbələ”ni təbrik edirəm. Rəqib kompakt müdafiə olundu. Təəssüf ki, hesab 0:0 olarkən qol imkanlarından istifadə edə bilmədik. Acınacaqlı hal odur ki, rəqib bizi əks-hücumlarda tutmağı bacardı. Bu məğlubiyyətdən nəticə çıxarıb, növbəti oyuna hazırlaşmalıyıq”.

Sonra baş məşqçi jurnalistlərin suallarını cavablandırıb: "Dabo və Dario ilk hissədə normal oynadılar. Təkcə onlar yox, ümumiyyətlə, bütün komanda üzvləri üzərlərində çalışmalı və artırmalıdırlar. Fasilə zamanı yoxlama oyunu keçirməməyimizin səbəbi kifayət qədər futbolçumuzun milli komandaya dəvət almasıdır. Buna görə də əvəzedici heyətdən bir neçə futbolçu çağırıb, mix-matç keçirməli olduq. Rəşad Eyubova gəlincə, oyun praktikasının az olmasına baxmayaraq, pis oynamadı. Zəif cəhətlərimiz budur ki, hücumlar zamanı individual mübarizələrdən qalib ayrıla bilmirdik. Uduzmuşuqsa, komanda şəklində uduzmuşuq”.

Oxundu: 131

© 2018 - NSPSOLUTIONS