BİZİM FUTBOL

Bu gün UEFA Avropa Liqasında pley-off mərhələsinin cavab matçları keçirilir. Azərbaycan çempionu “Qarabağ” da yarışın qrup mərhələsinə yüksəlmək üçün mübarizə aparıb. Ağdamlılar səfərdə minimal hesabla məğlub olduqları “Höteborq”la bu dəfə Bakıda üz-üzə gəlib. Matça əla başlayan Qurban Qurbanovun yetirmələri ardıcıl hücumlarla qol axtarışına çıxıblar. Oyunun əvvələrində bir neçə epizod boşa verilsə də, nəhayət 20 dəqiqənin tamamın bir dəqiqə qalmış təmsilçimiz istəyinə çatıb. Çoxsaylı künc zərbələrindən birini Azərbaycansayağı yerinə yetirən ağdamlıların heyətində Rəşad Sadıqovun son zərbəsi dəqiq olub.Bu qoldan 6 dəqiqə sonra Reynaldo, Dani, Muarem kombinasiyasını sonuncu dəqiq zərbə ilə tamamlayıb. İlk hissə bu hesabla başa çatıb.İkinci hissəyə də komandamız qolla başlayıb. Bu dəfə Muaremin ötürməsini Dani əlverişli istifadə edib - 3:0. Oyunun sonuna qədər başqa qol olmayıb və "Qarabağ" səfərdəki məğlubiyyətin revanşında möhtəşəm qələbə qazaardıcıl 3-cü dəfə Avroliqanın qrup mərhələsində çıxış etməyə haqq qazanıb.

Avropa Liqası

Pley-off, cavab oyunu

25 avqust

“Qarabağ” – “Höteborq” (İsveç) - 3:0

Qollar: Rəşad Sadıqov, 19, Muarem Muarem, 26, Dani, 51

Baş hakim: Vladislav Bezborodov

Baş hakimin köməkçiləri: Valeri Dançenko, Maksim Qavrilin

Dördüncü hakim: Kirill Levnikov (hamısı Rusiya)

Hakim-isnpektor: Mixael Tomas Ross (Şimali İrlandiya)

UEFA nümayəndəsi: Conni Vanspaun (Belçika)

Bakı. T. Bəhramov adına Respublika stadionu

“Qarabağ”: 13. İbrahim Şehiç, 2. Qara Qarayev, 5. Maksim Medvedev, 8. Miçel Madera, 9. Reynaldo, 10. Muarem Muarem, 14. Rəşad Sadıqov, 20. Riçard Almeyda, 25. Ansi Aqolli, 32. Elvin Yunuszadə, 99. Dani Quintana

Ehtiyat oyunçular: 12. Şahruddin Məhəmmədəliyev, 6. Dino Ndlovu, 15. Rahid Əmirquliyev, 17. Namiq Ələskərov, 18. İlqar Qurbanov, 21. Arif Daşdəmirov, 22. Əfran İsmayılov

Baş məşqçi: Qurban Qurbanov

“Höteborq”: 1. Con Alvbeyc, 2. Emil Salomonsson, 3. Skott Yamieson, 6. Sebastian Eriksson, 7. Mads Albaek, 8. Soren Riks, 9. Yakop Ankersen, 10. Tobias Hisen, 16. Mikael Boman, 28. Tomas Ronye, 30. Matias Byarsmir

Ehtiyat oyunçular: 12. Pontus Dalberg, 11. Martin Smedbeg, 13. Elias Omarsson, 14. Hyallmar Yonsson, 18. Lauson Sabah, 24. Tom Petterson, 27. Billi Nordström

Baş məşqçi: Yörgen Lenartsson