DÜNYA FUTBOLU

UEFA Avropa Liqasında qrup mərhələsinin püşkü atılıb. Apasport.az saytının məlumatına görə, Monakoda baş tutan tədbirdə həlledici mərhələnin 48 iştirakçısının rəqibi bəlli olub.

Bu klublar hərəsində 4 komanda olmaqla 12 qrupa bölünüb. Ötən mövsüm olduğu kimi, yenidən qrup mərhələsinə yüksələn Azərbaycan klublarının da rəqibləri bilinib.

“Qəbələ” C qrupunda “Anderlext” (Belçika), “Sent-Etyen” (Fransa) və “Mayns”la (Almaniya) mübarizə aparacaq. “Qarabağ” isə J qrupunda “Fiorentina” (İtaliya), PAOK (Yunanıstan) və “Slovan”la (Çexiya) qüvvəsini sınayacaq.

Bu mərhələnin oyunlarına sentyabrın 15-də start veriləcək. Növbəti oyunlar sentyabrın 29-da, oktyabrın 20-də, noyabrın 3-də və 24-də, dekabrın 6-da baş tutacaq.

Qeyd edək ki, İsveçin “Höteborq” klubunu keçən “Qarabağ” (0:1, 3:0) ardıcıl üçüncü, Sloveniya “Maribor”unu yolundan kənarlaşdıran (3:1, 0:1) “Qəbələ” isə ikinci dəfə qitənin nüfuzuna görə ikinci ən böyük turnirinin əsas raundunda mübarizə aparacaq.

Avropa Liqası

Qrup mərhələsi

A qrupu

“Mançester Yunayted” (İngiltərə)

“Fənərbaxça” (Türkiyə)

“Feyenoord” (Hollandiya)

“Zarya” (Ukrayna)

B qrupu

“Olimpiakos” (Yunanıstan)

APOEL (Kipr)

“Yanq Boyz” (İsveçrə)

“Astana” (Qazaxıstan)

C qrupu

“Anderlext” (Belçika)

“Sent-Etyen” (Fransa)

“Mayns” (Almaniya)

“Qəbələ” (Azərbaycan)

D qrupu

“Zenit” (Rusiya)

“Alkmaar” (Hollandiya)

“Makkabi” (Təl-Əviv, İsrail)

“Dandalk” (İrlandiya)

E qrupu

“Viktoriya” (Çexiya)

“Roma” (İtaliya)

“Austria” (Avstriya)

“Astra” (Rumıniya)

F qrupu

“Atletik” (İspaniya)

“Genk” (Belçika)

“Rapid” (Avstriya)

“Sassuolo” (İtaliya)

G qrupu

“Ayaks” (Hollandiya)

“Standard” (Belçika)

“Selta” (İspaniya)

“Panatinaikos” (Yunanıstan)

H qrupu

“Şaxtyor” (Ukrayna)

“Braqa” (Portuqaliya)

“Gent” (Belçika)

“Konyaspor” (Türkiyə)

İ qrupu

“Şalke” (Almaniya)

“Zalsburq” (Avstriya)

“Krasnodar” (Rusiya)

“Nitsa” (Fransa)

J qrupu

“Fiorentina” (İtaliya)

PAOK (Yunanıstan)

“Slovan” (Çexiya)

“Qarabağ” (Azərbaycan)

K qrupu

“İnter” (İtaliya)

“Sparta” (Çexiya)

“Sauthempton” (İngiltərə)

“Hapoel” (Beer-Şeva, İsrail),

L qrupu

“Vilyareal” (İspaniya)

“Styaua” (Rumıniya)

“Sürix” (İsveçrə)

“Osmanlıspor” (Türkiyə)

Qeyd edək ki, Avroliqada qrup mərhələsinin oyunları sentyabrın 15-i və 29-u, oktyabrın 20-si, noyabrın 3-ü və 24-ü və dekabrın 8-də keçiriləcək.