Dünən "Barselona"nın "Olimpiakos"la keçirdiyi oyunda növbəti qolunu vuran Leonel Messi daha bir nailiyyətə imza atıb. Bu qol onun Avropa miqyaslı turnirlərdə 100-cü qolu olub. İndiyə qədər Avrokuboklarda 100 top həddini təkcə Kriştianu Ronaldo keşmişdi (113 qol).
Dünya futbolunda bir çox rekordlar Leonel Messiyə məxsusdur.. Argentinalı ulduz "Barselona"nın heyətində aşağıdakı rekordlara imza atıb:
- Çempionlar Liqasında het-triklərin sayı - 7.
- Çempionlar Liqasının qrup mərhələsində rekord məhsuldarlıq - 60.
- Çempionlar Liqasının 1/8 final mərhələsində rekord məhsuldarlıq - 21.
- Rekord sayda "Qızıl top"a sahib olma -5.
- Bir çempionatda (İspaniya) vurulan rekord sayda qol - 50 (2011/2012-ci l mövsümündə)
- Təqvim ilində rekord məhsuldarlıq- 79 (2012-ci ildə). (Milli komandada vurulan 22 qolu bura əlavə etsək 91 olur)
- Rekord sayda klub titulları - 29.
Daha iki rekorda isə Argentina milli komanadasında sahib olub:
- Milli komandada rekord məhsuldarlıq - 61.
- Argentina millisində ən gənc yaşda qol vuran futbolçu - 18 yaş 357 günlüyündə.