cümə, 29 mart 2024

BİZİM FUTBOL

“Qarabağ”ın Çempionlar Liqasındakı ilk oyunu canlı yayımlanacaq?

10.07.2018 17:25 Oxundu 2580

Sloveniyanın “Olimpiya” klubu Çempionlar Liqasının I təsnifat mərhələsində qarşılaşacağı “Qarabağ”a ilk oyunun başlama saatını dəyişdirməyi təklif edib. Lyublyana klubu bu addımı matçın DÇ-2018-in yarımfinalında Xorvatiya – İngiltərə görüşü ilə eyni vaxtda başlanacağı üçün atıb.

Sloveniyalılar Ağdam klubuna oyunun yerli vaxtla saat 18:00-da (Bakı vaxtı ilə 20:00) başlamasını təklif edib. Ancaq bizimkilər bu təkliflə razılaşmayıb.

Qeyd edək ki, dünya çempionatının oyununa marağın daha böyük olacağını nəzərə alan Sloveniya telekanalları “Olimpiya” – “Qarabağ” qarşılaşmasını canlı yayımlamaq istəmirlər. Məhz buna görə də klub bu təklifi irəli sürüb.

Xatırladaq ki, “Olimpiya” – “Qarabağ” matçı sabah Bakı vaxtı ilə saat 22:00-da başlayacaq.(Oxu.az)