DÜNYA FUTBOLU

"Çelsinin" ispaniyalı hücumçusu Alvaro Moratta son oyunlardakı yaxşı çıxışı ilə bağlı maraqlı açıqlamalar verib. Cempion.az xəbər verir ki, mövsümün əvvəlində ilk 7 oyunda cəmi bir dəfə fərqlənsə də, son 5 oyunda rəqib qapılarına 4 dəfə yol tapan Moratta göstərdiyi yaxşı oyuna görə psixoloqa borclu olduğunu bildirib. Psixoloji çatışmazlığını hiss etdiyini vurğulayan futbolçu: "Əslində psixoloji kömək almağı düşünməmişdim. Ancaq son vaxtlar hiss etdim ki ehtiyacım var. Psixoloqa bütün problemlərimi deyəndə əvvəl utandım ancaq onun köməkliyi ilə yenidən xoşbəxtliyimə qovuşdum. Hal hazırda düşünürəm ki, qolları vurmağımda psixoluqun da köməyin var. Buna görə də bu prosesi davam etdirəcəm. İnsanların da getməyini tövsiyə edirəm" deyib.