DÜNYA FUTBOLU

“Yuventus”un hücumçusu Kriştiano Ronaldo bu gün “Breşiya”ya qarşı oyunda iştirak etməyəcək.

Cempion.az xəbər verir ki, klubun rəsmi Tvitter səhifəsində A seriyasının 24-cü turunun matçına sifariş olunan 20 oyunçunun adı açıqlanıb.

Onların arasında portuqaliyalı hücumçu yoxdur. Bunun səbəbləri barədə məlumat verilməyib.

Qeyd edək ki, “Yuventus” – “Breşiya” görüşü bu gün Bakı vaxtı ilə saat 18.00-da başlanacaq.

Əlavə edək ki, daha öncə "Yuventus"un baş məşqçisi Mauritsio Sarri bu oyunda Ronaldoya istirahət verə biləcəyini demişdi.