DÜNYA FUTBOLU

Avropada transfer pəncərəsinin bağlanmasına baxmayaraq, “Barselona” qarşıdakı 15 gün ərzində heyətinə yeni futbolçu cəlb edə bilər.
Cempion.az “Marca”ya istinadən xəbər verir ki, buna La Liqanın tibbi komissiyası icazə verib. Kataloniya klubu hücumçuları Luis Suares və Usman Dembelenin zədəli olmasına görə qurumdan bu icazəni istəyib və müsbət cavab alıb.

“Barselona” yeni alınacaq futbolçunun xidmətindən yalnız İspaniya La Liqasında istifadə edə bilər.

Qeyd edək ki, Suaresin 4, Dembelenin isə 6 ay meydana çıxa bilməyəcəyi açıqlanıb. Hər iki futbolçu əməliyyat olunub.