BİZİM FUTBOL

Konfrans Liqasında ölkəmizi təmsil edəcək "Sumqayıt" heyətini qapıçı ilə gücləndirib. 
"CEMPİON.AZ" klubun rəsmi saytına istinadən xəbər verir ki, 2021/22 mövsümü üçün transfer çalışmalarını davam etdirən “Sumqayıt” növbəti futbolçunun keçidini reallaşdırıb. Belə ki, komandamız son mövsümü “Qəbələ”də keçirmiş qapıçı Tərlan Əhmədli ilə 1 illik müqavilə imzalayıb. Tərlan “Sumqayıt”-da “1” nömrəli formanı geyinəcək.
Qeyd edək ki, 2012-2017-ci illər arasındada "Sumqayıt" da çıxış etmiş Tərlan Əhmədli bu dönəmdə ümumilikdə 11 oyun keçirib. Qapıçı son klubu “Qəbələ” ilə yanaşı (14 oyun) “Rəvan”, “Xəzər Bakı” və “Sabah” klublarının da uğurları üçün çalışıb. Tərlan Azərbaycanın U-21 və U-23 millilərinə də dəvət alıb.