DÜNYA FUTBOLU

“Aston Villa”nın yarımmüdafiəçisi Cek Qriliş komandasını dəyişir.
"CEMPİON.AZ" Britaniya mətbuatına istinadən xəbər verir ki, 26 yaşlı hücumameyilli oyunçu karyerasını “Mançester Siti”də davam etdirməyə yaxındır.
Hazırda İngiltərə millisinin düşərgəsində olan Qriliş “şəhərlilər”lə hərtərəfli anlaşıb. Klublar arasında danışıqların da tezliklə müsbət nəticələnməsi gözlənilir. Premyer Liqa çempionu bu keçid müqabilində qarşı tərəfə 100 milyon funt-sterlinq ödəməyə hazırdır.
Qeyd edək ki, Cek Qriliş ötən mövsüm Premyer Liqada 26 oyun keçirib, 6 qola imza atıb.