DÜNYA FUTBOLU

“Real”ın prezidenti Florentino Peres təsisçisi olduğu Avropa Superliqası ideyası və futboldakı hazırkı duruma münasibət bildirib.
"CEMPİON.AZ" xəbər verir ki, o, “Marca”ya müsahibəsində Superliqanın bağlı yox, hələ də açıq olduğunu söyləyib: “Biz sadəcə istəyirik ki, liqanı alsınlar. Məsələn, “Sevilya” və “Vilyarreal”ın orada öz yeri olacaq. Azarkeşlər futboldan gedir. Biz o klublardan başlamaq istəyirik ki, onun tərəfdarları çox olsun. “Roma”nın “Mançester Yunayted” kimi populyarlığı yoxdur”.
Peres bildirib ki, hazırda futbola maraq itir, ona cəlbediciliyi azalır: “Biz hamını məmnun etmək istəyirik. Pul olmayanda futbol ölür. UEFA öz dominantlığını saxlamaq üçün bizi təhdid edir. Hazırda Lüksemburq məhkəməsinin qərarını gözləyirik”.
“Real”ın prezidenti deyib ki, İngiltərə klubları UEFA-nın hədəsindən sonra Superliqanı tərk ediblər: “Pandemiya dövründə klublar 8 milyard avro itiriblər, Çeferin isə öz maaşını qaldırır”.