DİGƏR NÖVLƏR

 
Azərbaycan Milli Olimpiya Komitəsinin (MOK) Ədalətli Oyunlar Komissiyasının və “Olimpiya dünyası” qəzetinin birgə təşkilatçılığı ilə keçirilən “İdman və ədalətli oyunlar” mövzusunda rəsm müsabiqəsinin qaliblərinin mükafatlandırılması mərasimi təşkil olunub.
MOK mətbuat xidmətinin məlumatına görə, tədbirdə MOK-un vitse-prezidentləri Çingiz Hüseynzadə, Xəzər İsayev, Gənclər və idman nazirinin müavini İsmayıl İsmayılov, MOK baş katibinin müavini Azər Əliyev, Xalq rəssamı Ağaəli İbrahimov, Bakı Şəhər Gənclər və İdman Baş İdarəsinin rəisi Raqif Abbasov və idman ictimaiyyətinin nümayəndələri iştirak ediblər.
Məlumat verilib ki, 3-8 və 9-16 yaş qrupları üzrə keçirilən müsabiqəyə paytaxt və Naxçıvan ilə yanaşı, 42 bölgədən ümumilikdə 2114 rəsm əsəri daxil olub. Onlardan 1560-ı 9-16, 554-ü isə 3-8 yaş qrupları üzrə qəbul edilib.
Xalq Rəssamı, Əməkdar incəsənət xadimi, Rusiya İmperator Rəssamlıq Akademiyasının Fəxri üzvü, professor Ağaəli İbrahimov, Xalq Rəssamı, professor Arif Hüseynov və Azərbaycan Rəssamlar İttifaqının Rəyasət Heyətinin üzvü, Əməkdar incəsənət xadimi, Sənətşünaslıq üzrə fəlsəfə doktoru Ziyadxan Əliyevdən ibarət münsiflər heyətinin qiymətləndirməsinə əsasən aşağıdakılar "İdman və Ədalətli Oyunlar” mövzusunda rəsm müsabiqəsinin qalib və mükafatçıları olublar:
 
9-16 yaş qrupu üzrə qaliblər:

1 -ci yer  - Aslanlı Elmir
2 -ci yer  - Aydəmirova Aytac
3 -cü yer - Abadzadə Ülkər
 
3-8 yaş qrupu üzrə qaliblər:

1 -ci yer - Cəbiyeva Mədinə 
2 -ci yer - Qənbərli Zümrüd
3 -cü yer - İrem Göktaş
 
9-16 yaş qrupu üzrə mükafatçılar:

Həvəsləndirici mükafatlar: Həşimli Gülay, Hacıyeva Dilbər, Əliyeva Ayan, Məhərrəmli Günəş,

Həsənli Səbirə,

Abdullayeva Mədinə, İsmayılov Hüsna.

3-8 yaş qrupu üzrə
 mükafatçılar:

Həvəsləndirici mükafatlar:

Suxandani Əli, Həsənli Rəna, İbrahimli Zeynəb, Mikayılzadə Mələk, Mirsəməd Nağıyev, İnci Qurban, Vüqar Əhmədov
Xüsusi həvəsləndirici mükafatlar (Fiziki məhdudiyyətli uşaqlar arasında) Mikayılbəyli Əlihüseyn,Səlimli Xədicə,Səlim Abdullayev.