BİZİM FUTBOL

Serbiyanın “Çukariçki” klubunun məqçisi Pavle Delibaşiç Konfrans Liqasının 2-ci təsnifat mərhələsində “Sumqayıt”la oyundan sonra fikirlərini bölüşüb.
"CEMPİON.AZ" xəbər verir ki, o, oyun sonrası mətbuat konfransında qolsuz başa çatan görüş haqda deyib:
 “Bu oyun bizim üçün xüsusi önəm daşıyırdı. 90 dəqiqə ərzində qol vurmağa çalışsaq da, alınmadı. Qarşıda cavab matçı var. Ümid edirəm ki, həmin oyunda rəqibin müdafiə xəttini yarıb qol vuracaq və növbəti raunda adlayacağıq.
 Qol vura bilmədik. Oyunçu seçiminə gəlincə, səhv edə bilərik. Amma belə olmaya da bilər. Çünki 90 dəqiqə ərzindəki təzyiq bizim daha yaxşı olduğumuzu göstərdi. Rəqibi müdafiədə saxladıq. "Sumqayıt" oyun ərzində heç nəyi dəyişə bilmədi. Qonaqların oyun üslubuna heç bir etirazım yoxdur”.