DÜNYA FUTBOLU

İtaliyanın "Roma" klubu heyətinə yeni futbolçu qatıb.
"CEMPİON.AZ" xəbər verir ki, paytaxt klubu "Cenoa"nın oyunçusu Eldor Şomurodovu transfer edib. 26 yaşlı hücumçu ilə 5 illik müqavilə imzalanıb. Özbəkistanlı futbolçu komandada 14 nömrəli formanı geyinəcək.
"Roma" bu keçid üçün qarşı tərəfə 17,5 milyon avro ödəyib.
Qeyd edək ki, Eldor Şomurodov ötən ildən "Cenoa"da oynayırdı.