BİZİM FUTBOL

“Qəbələ”nin heyətinə qatmağa hazırlaşdığı Ruan Renatonun müqavilə detalları müəyyənləşib.
"CEMPİON.AZ" Braziliya mətbuatına istinadən xəbər verir ki, 27 yaşlı mərkəz müdafiəçisi Premyer Liqa təmsilçisi ilə 1 illik sazişə qol çəkəcək.
“Ponte Preta”dan ayrılan və “qırmızı-qaralar”a azad agent kimi gələn Renatonun müqaviləsinə daha bir il uzadılması maddəsi də əlavə olunacaq. O da vurğulanıb ki, hazırda Azərbaycanda olan “sambaçı” tibbi müayinədən keçdikdən sonra münasibətləri rəsmiləşdirəcək.
Qeyd edək ki, Braziliyada bir çox klubun formasını geyinən Ruan Renato 2017/18 mövsümündə “Austriya”da legioner həyatı yaşayıb.