DÜNYA FUTBOLU

"Real" və "Barselona" üçün ağır olacaq, amma onlar bir neçə il sonra qayıdacaqlar”.
“CEMPİON.AZ” AS nəşrinə istinadən xəbər verir ki, bu sözləri PSJ-yə transfer olan Lionel Messi deyib. Argentinalı hücumçu La Liqanın gələcəyi haqda fikirlərini də bildirib: "Liqalarda əhəmiyyətli rolu komandalar oynayır. "Barselona" və "Real" hələ oradadır, La Liqada həmçinin "Sevilya", "Valensiya" və "Atletiko" çıxış edir. Bunlar top klublardır. Komandalar həmişə qalır və bu, hansısa oyunçuların getməsindən asılı deyil. La Liqa - bu hələ böyük və əhəmiyyətli yarışdır. Oyunçular əvvəl də gedirdilər, amma klublar öz böyüklüyünü saxlayırdı. Onlar mövcudluqlarını və nəticələr göstərməyi davam etdirirdilər. "Real" və "Barselona" üçün ağır olacaq, amma onlar bir neçə il sonra qayıdacaqlar. O vaxt onlarda ispan futbolunun yeni böyük ulduzları ortaya çıxacaq".
Qeyd edək ki. Lionel Messi Avqustun 10-da Fransanın PSJ klubuna transfer olub. Ulduz futbolçu 2023-cü ilə qədər Paris tmsilçisinin formasını geyinəcək.