BİZİM FUTBOL

Konfrans Liqasında çıxış edən klubarımızın oyunlarını idarə edəcək hakimlərin adları açıqlanıb.
“CEMPİON.AZ” xəbər verir ki, “Qarabağ” və “Neftçi”nin ev matçlarının ədalət təmsilçiləri bəlli olub.
Avqustun 19-da öncə meydana çıxacaq “Qarabağ”ın Tofiq Bəhramov adına Respublika Stadionunda “Aberdin”lə görüşünü Sloveniyadan olan hakimlər idarə edəcək. Baş hakim Rade Obrenoviç, köməkçiləri Yure Praprotnik və Aleksandar Kasapoviç, dördüncü hakim Asmir Saqrkoviç olacaq.
Bundan bir saat sonra isə Hayfa “Makkabi”si “Bakcell Arena”da “Neftçi”nin qonağı olacaq. Matçı fransalı Delayod Uilli idarə edəcək. Onun köməkçiləri Mehdi Rahmouni və Edvin Kristof Finyean olacaq. Tomas Leonard dördüncü hakim funksiyasını yerinə yetirəcək.
Qeyd edək ki, cavab oyunları avqustun 26-da olacaq.