DİGƏR NÖVLƏR

Karate Paris-2024 Yay Olimpiya Oyunlarının proqramına daxil edilməyəcək.
"CEMPİON.AZ" xəbər verir ki, bu barədə Paris-2024-ün Təşkilat Komitəsinin mətbuata açıqlamasında bildirilib.
Olimpiadanın proqramının Beynəlxalq Olimpiya Komitəsinin qaydalarına ciddi riayət olunmaqla tərtib edildiyi və dəyişdirilməyəcəyi vurğulanıb.
Təşkilat Komitəsinin sədri Toni Estanqe bildirib ki, Olimpiadanın proqramı tərtib olunarkən gənclər tərəfindən daha çox sevilən və sosial şəbəkələrdə maraq göstərilən idman növlərinə üstünlük verilib.
Xatırladaq ki, Azərbaycan son olimpiadada - Tokio-2020-də 7 medaldan ikisini karatedə qazanıb. Rafael Ağayevlə (75 kq) İrina Zaretska (+61 kq) gümüş medalın sahibi olub.