BİZİM FUTBOL

DÇ-2022-nin seçmə mərhələsi çərçivəsində Azərbaycan səfərdə Lüksemburqun qonağı olub.
"CEMPİON.AZ" xəbər verir ki, matçda 3 qol vurulub. İlk hissədə qapısında iki qol görən Azərbaycan yığma komandası ikinci hissədə bu qollardan birinin əvəzini çıxa bilib. Lakin bu Canni de Byazinin komandasının qrupda ilk xalını qazanması üçün kifayyət etməyib. Beləliklə millimiz səfərdə 2:1 hesabı ilə məğlub olub. 
Qeyd edək ki, A qrupunda yer alan Azərbaycan millisi hələ də xal toplaya bilməyib. Və qrup sonuncusu olaraq qalır.

***00:13
Emin Mahmudov 67-ci dəqiqədə cərimə zərbəsindən baxımlı qol vuraraq hesab arasındakı fərqi azaldır.

***23:13
Lüksemburq - Azərbaycan matçında ikinci qol vuruldu. 28-ci dəqiqədə millmizin qapısına təyin edilən penaltini Rodriqes dəqiq yerinə yetirdi. Beləliklə meydan sahibləri üstünlüklərini 2 topa çatdırdılar.

***22:53
Matçın 8-ci dəqiqəsində Lüksemburq yığma komandası millimzin qapısına yol tapdı. Mika meydan sahiblərini hesabda önə keçirdi.

*** 22:47
DÇ-2022 Avropa zonası üzrə seçmə mərhələnin matçları başlayır.
"CEMPİON.AZ" xəbər verir ki, bu gün A qrupunda mübarizə aparan Azərbaycan millisi səfərdə Lüksemburq yığmasının qonağı olacaq. Canni de Byazinin komandası ilk xalını qazanmaq üçün meydana çıxacaq. Oyunu Bosniya və Herseqovinadan olan İrfan Peljito idarə edəcək. Millimiz qrupda sonuncudur. Bundan sonra futbolçularımızı İrlandiya və Portuqaliya ilə çətin qarşılaşmalar gözləyir. 
Qeyd edək ki, Azərbaycan yığma komandası qrupda keçirdiyi matçlarda Portuqaliyaya 0:1, Serbiyaya isə 1:2 hesabı ilə məğlub olub.

Bu gün 22:45
Lüksemburq - Azərbaycan 2:1
Qollar: Mika, 8, Rodriqes, 28 - Emin Mahmudov, 67