DÜNYA FUTBOLU

“Qalatasaray” transfer dönəminin son günlərində daha bir oyunçunu heyətinə qatmağa hazırlaşır.
"CEMPİON.AZ" xəbər verir ki, Türkiyə klubu “Famalikao”nun yarımmüdafiəçisi Qustavo Assunçao ilə anlaşıb.
21 yaşlı braziliyalı orta sahə oyunçusunun həm özü, həm də Portuqaliya klubu ilə hərtərəfli razılıq əldə olunub. Assunçao bu gün İstanbula gələcək. Futbolçu tibbi müayinənin ardından yeni komandası ilə münasibətləri rəsmiləşdirəcək. O, "Qalatasaray"da 1 il icarə əsasında oynayacaq. Türklər növbəti ildə futbolçunun transfer etmək hüququna malik olacaq.
Qeyd edək ki, “Atletiko”nun yetirməsi olan Qustavo Assunçao 2019-cu ildən “Famalikao”da çıxış edir.