BİZİM FUTBOL

Mahir Emreli Varşava "Legiya"sının heyətində uğurlu çıxışını davam etdirir.
"CEMPİON.AZ"ın məlumatına görə, millimizin hücumçusu Polşa klubunun heyətində 18 rəsmi oyuna çıxıb. Hücumçu iştirak etdiyi görüşlərdə 10 qol və 1 məhsuldar ötürmə ilə yadda qalıb. Həmçinin azərbaycanlı futbolçu "Legiya"nın çıxış etdiyi bütün turnirlərdə rəqib qapılarına yol tapmağı bacarıb. Ötən gün Avropa Liqasının qrup mərhələsində keçirilən 2-ci turun oyunları çərçivəsində "Legiya" doğma meydanda İngiltərənin "Lester" komandasını qəbul edib. Varşava təmsilçisi 1:0 hesblı qələbə qazanıb. Meydan sahiblərinin qələbə qolunu millimizin hücumçusu vurub.
Qeyd edək ki, Mahir Emreli yayda "Qarabağ"dan "Legiya"ya transfer olunub.