DÜNYA FUTBOLU

Çempionlar Liqasının qrup mərhələsinin II turunda “Barselona”nın qapısına iki qol vuran Darvin Nunyes qitə nəhənglərinin diqqət mərkəzinə düşüb.
"CEMPİON.AZ" xəbər verir ki, “Benfika”nın 3:0 hesablı qələbəsində dublla pay sahibi olan uruqvaylı hücumçu daha 3 klubun maraq dairəsindədir.
Portuqaliya klubunun 22 yaşlı forvardını “Milan”, “İnter” və “Atletiko” heyətində görmək istəyir. Nunyesin müqaviləsi 2025-ci ilin yayında başa çatacağından, onun üçün xərcə düşmək lazım gələcək.
Xeyli vaxtdır “Mançester Siti”nin hədəfində olan Darvin Portuqaliya çempionatında da qolçuluq bacarığı ilə diqqət çəkir. O, cari mövsümdə 4 qola imza atıb.