DÜNYA FUTBOLU

Fransa millisinin və “Mançester Yunayted”in futbolçusu Pol Poqba karyerasını İspaniyada davam etdirməyə yaxındır.
"CEMPİON.AZ" xəbər verir ki, İngiltərə klubu yarımmüdafiəçi ilə müqaviləni uzatmaq istəsə də, Polun agenti Mino Rayola fərqli fikirdədir.
28 yaşlı oyunçunun karyerasında sonuncu böyük müqaviləyə imza atacağını başa düşən Rayola bu dəfə yaxşı qazanc götürməyi planlaşdırır. O, Poqbanın xidmətində maraqlı olan “Real”la “Barselona” arasında hərrac təşkil etməyi düşünür. Daha çox pul təklif edən komanda fransalını heyətinə qatacaq.
Qeyd edək ki, Pol Premyer Liqanın cari mövsümündəki 6 matçında 7 qol ötürməsi verib.