BİZİM FUTBOL

Bu gün Azərbaycan Premyer Liqasının X turuna start veriləcək.

"CEMPİON.AZ" xəbər verir ki, turun ilk günündə iki oyun keçiriləcək.

“Zəfər turu”nun ilk qarşılaşmalarında Bakı klubları üz-üzə gələcək. Paytaxt derbilərinə “Bank Respublika Arena”da start veriləcək. Çempionatın autsayderi “Sabah” yeni baş məşqçisi Murad Musayevin rəhbərliyi altında mükafatlara iddialı “Zirə”ni qəbul edəcək.

Günün ikinci derbisində paytaxtın ən təcrübəli klubları üz-üzə gələcək. Son çempion “Neftçi” “Keşlə”nin qonağı olacaq. Samir Abasov cəzalı olduğundan “ağ-qaralar” matça baş məşqçisiz çıxacaq.

Qeyd edək ki, tura sabah yekun vurulacaq. “Səbail” “Qəbələ”ni, “Sumqayıt” “Qarabağ”ı qəbul edəcək.
 

Premyer Liqa
X tur
6 noyabr (şənbə)
15:00. “Sabah” – “Zirə”
Baş hakim: Kamal Umudlu

“Bank Respublika Arena” 

19:00. “Keşlə” – “Neftçi”
Baş hakim: Rauf Cabarov

“ASK Arena”

Bombardirlər: Filip Ozobiç ("Qarabağ") – 6, Davit Volkov ("Zirə") - 5 qol.