DÜNYA FUTBOLU

"Manchester United"in baş məşqçisi Ole Qunnar Sulşerin "Old Trafford"un növbəti biabırçı məğlubiyyətindən sonra ona qarşı təzyiqlər artıb və postuna namizədlər göstərilir.
"CEMPİON.AZ" xəbər verir ki, Kristiano Ronaldo bu mövsüm bir neçə dəfə komandanı məğlubiyyətdən xilas edə bilsə də, nəticə yenə də "Qırmızı Şeytanlar" üçün qənaətbəxş olmayıb. Yunayted artıq son 5 oyundan cəmi iki qələbə ilə məyusedici bir seriya ilə oyunlara davam edir. Komanda turnir cədvəlində 5-ci yerdə məskunlaşaraq, lider “Çelsi”dən 8 xal geridə qalır.
Son oyunların müqabilində yerini laxladan Sulşerin postu üçün ən ideal namizədlər kimi dünya futbolunun ulduzu Zinəddin Zidan və Brendan Rojersin adları göstərilib. İlk namizəd Zidanla danışıqlar baş tutmazsa, Rojerslə danışıqlar aparılacaq.