DÜNYA FUTBOLU

"Barselona"nın sabiq hücumçusu Lionel Messi İspaniya klubunun baş məşqçisi kimi Xaviyə uğurlar arzulayıb. 
"CEMPİON.AZ" xəbər verir ki, Xavi bu barədə mətbuat konfransında məlumat verib:
"Biz Messi ilə yaxşı dostuq, o, mənə bu posta görə uğurlar arzuladı. Mən də ona hər şeyin ən yaxşısını arzulayıram, o, tarixin ən yaxşı oyunçusudur, amma o, artıq aramızda deyil. Nəticə əldə edə bilən oyunçularımız var. Buna görə də komandada bizimlə olmayanlar haqqında düşünməməliyik”.
Qeyd edək ki, noyabrın 6-da ispaniyalı mütəxəssis komandaya baş məşqçi təyin olunub. Müqavilə 2024-cü ilin yayına qədər qüvvədədir. Messi və Xavi 2003-2015-ci illərdə "Barselona"da birgə çıxış ediblər. Hazırda argentinalı futbolçu Fransanın “Paris Sen-Jermen” klubunu təmsil edir.