DÜNYA FUTBOLU

İngiltərənin "Manchester United" futbol klubunun portuqaliyalı hücumçusu Kriştiano Ronaldo gələn il Çempionlar Liqasına vəsiqə qazana bilməsə, komandanı tərk edə bilər.
"CEMPİON.AZ" xəbər verir ki, bu barədə Britaniyanın "Daily Express" qəzeti məlumat yayıb. Mənbənin sözlərinə görə, portuqaliyalı komandanın İngiltərə Premyer Liqasındakı son nəticələrindən razı deyil və o, ikinci ən vacib avrokubok turnirində - Avropa Liqasında oynamaq həvəsində deyil. Manchester klubu hazırda İngiltərə çempionatının turnir cədvəlində "Çempionlar Liqası" zonasından 5 xal geri qalaraq, 17 xalla 6-cı yerdə məskunlaşır. 
Son altı turda “Manchester United” bir dəfə qalib gəlib, bir dəfə bərabərə qalıb və “Liverpul”a 0:5 hesablı məğlubiyyət də daxil olmaqla 4 məğlubiyyət alıb.
Qeyd edək ki, Ronaldonun 36 yaşı var və 2021-ci ilin yayında qırmızı şeytanların sıralarına qayıdıb. Əfsanəvi futbolçu 2003-2009-cu illərdə İngiltərə komandasında çıxış edib və bu müddət ərzində üçqat İngiltərə çempionu, İngiltərə Liqa Kubokunun ikiqat qalibi, İngiltərə Kubokunun və Çempionlar Liqasının qalibi olub. Portuqaliyalı həm də "Sportinq", İspaniyanın "Real" və İtaliyanın "Yuventus" komandalarında çıxış edib. Hücumçu bu mövsüm İngiltərə yığmasının heyətində bütün yarışlarda 9 qol vurub.