VOLEYBOL

Azərbaycanın daha 5 voleybolçusu 2021/22 mövsümündə legioner həyatı yaşayacaq.

"CEMPİON.AZ" xəbər verir ki, kişilərdən ibarət yığmanın iki, qadın millimizin üç üzvü özünə yeni komanda tapıb.

Təmsilçilərimizdən üçü İsrail çempionatında çıxış edəcək. Andrey Vasilenko “Hapoel İroni” (Kiryat Ata) klubunun formasını geyinəcək. Xanım voleybolçularımızdan Yana Doroşenko “Makkabi İroni Hadera”nın, Larisa Smeltsova “Eilaboun””un şərəfini qoruyacaq.

Onların yığmadakı komanda yoldaşı Mariya Kirilyuk Rusiyaya üz tutub. O, Nijni-Novqorod təmsilçisi “Sparta”nın uğurları üçün çalışacaq. Kipr çempionatında oynamaq imkanı qazanan Tural Həsənli “AE Karava Lmbousa” klubu ilə müqavilə imzalayıb.