DİGƏR NÖVLƏR

UFC çempionu Həbib Nurməhəmmədovun əmisi oğlu MMA döyüşçüsü Usman Nurməhəmmədov istintaq üçün Dağıstana aparılacaq.
"CEMPİON.AZ" xəbər verir ki, bu barədə Rusiya hüquq-mühafizə orqanları "Ria.ru"ya məlumat verib. İstintaqın məlumatına görə, noyabrın 11-də Kaspiysk hava limanının keçid məntəqəsində hüquq-mühafizə orqanlarının əməkdaşları naməlum şəxs tərəfindən idarə edilən, qara şüşəli və nömrəsiz “Toyota Camry” markalı avtomobilini saxlamaq istəyiblər. Sürücü polisin "Dur!" əmrinə riayət etməyərək, postun qoruyucu səddini yıxıb. Daha sonra isə polis əməkdaşını vurub. İşçi yaralanıb. Rusiya Federasiyası İstintaq Komitəsinin sədri Aleksandr Bastrıkin hadisənin bütün detallarının tez bir zamanda araşdırılmasını tələb edib.
Polis əməkdaşına xəstəxanada yardım göstərildikdən sonra evə buraxılıb.
Qeyd edək ki, idmançı haqqında Rusiya Federasiyası Cinayət Məcəlləsinin 318-ci maddəsi (dövlət məmuruna qarşı zorakılıq tətbiqi) ilə cinayət işi açılıb.