DÜNYA FUTBOLU

Futbolun beşiyi İngiltərə yığıması San Marinonu 10:00 hesabı ilə məğlub edərək 2022-ci ildə keçiriləcək Dünya Çempionatının finalına birbaşa vəsiqə qazanıb.
"CEMPİON.AZ" xəbər verir ki, qarşılaşma San Marinoda keçirilib. Oyunun 1-ci və 3-cü qollarını penalti zərbəsi ilə Harri Keyn vurub. Ümumilkdə o,  komandanın aktivinə 4 xal yazdırıb. Belə ki, Keyn 27, 32, 39 və 42-ci dəqiqələrdə San Marinonun qapısını silkələyib.  Geriyə qalan qollar isə Harri Maquayr tərəfindən 6-cı, Emil Smit-Rou tərəfindən 58-ci, Tayron Minqs tərəfindən 69-cu, Tammi Abraham tərəfindən 78-ci, Bukayo Saka tərəfindən 79-cu dəqiqələrdə vurulub. 15-ci dəqiqədə isə meydan sahiblərinin millisinin oyunçusu Filippo Fabbri qapıdan top keçirib, amma rəqib komandanın hesabına. 68-ci dəqiqədə meydan sahiblərinin futbolçusu Dante Rossi meydandan qovulub.
"Opta" statistika agentliyinin tviter səhifəsinin verdiyi məlumata görə, İngiltərə 57 ildən sonra ilk dəfə bir matçda 10 qol vurub. Bundan əvvəl İngiltərə yığması 1964-cü il mayın 27-də ABŞ-la yoldaşlıq görüşündə  10:00 hesabı ilə qalib gəlib.