BİZİM FUTBOL

Dünya çempionatlarının seçmə mərhələlərinin ümumi cədvəli açıqlanıb. 
"CEMPİON.AZ" xəbər verir ki, Azərbaycan millisi siyahıda bir pillə geriləyib. Komandamız mundial arzusunda olan bütün yığmalar arasında 149-cudur. İndiyədək qatıldığı 7 seçmə mərhələdə cəmi 36 xal toplayan yığmamız Nigeri önə buraxıb. Afrika təmsilçisi eyni qədər xala malikdir. Lakin daha yaxşı top fərqi onları 148-ci pilləyə daşıyıb. 7 qələbə, 15 heç-heçə və 44 məğlubiyyəti olan millimiz 34 qol vurub, 122-ni buraxıb. Afrika təmsilçisi 10 qələbə, 6 heç-heçə və 19 məğlubiyyətlə eyni xal yığıb. Nigerin top fərqi 33-63-dür.
Qeyd edək ki, indiyədək 215 yığma seçmə mərhələdə çıxış edib.