DÜNYA FUTBOLU

Ukrayna Futbol Assosiasiyasının (UAF) İcraiyyə Komitəsi Aleksandr Petrakovu Ukrayna milli komandasının baş məşqçisi postuna təsdiq edib. 
"CEMPİON.AZ" xəbər verir ki, bu barədə AFFA-nın mətbuat xidməti məlumat yayıb.
Mütəxəssis avqustun 18-də bu vəzifədə 5 il çalışmış Andrey Şevçenkonu əvəzləyərək yığmada baş məşqçi səlahiyyətlərini müvəqqəti icra edib. Petrakovun rəhbərliyi altında ukraynalılar 2022-ci il dünya çempionatının seçmə turnirində qrupda ikinci yeri tutub. Komanda dünya çempionatının pley-off mərhələsinə çıxmaq uğrunda mübarizə aparacaq.
Petrakov ilə müqavilə 30 dekabr 2022-ci il tarixinədək qüvvədədir, 2024-cü ilin 30 iyuluna qədər uzadılması mümkündür.
Petrakovun 64 yaşı var, o, Kiyev “Dinamo”sunun yetirməsidir. O, “Lokomotiv Vinnitsa”, “SKA Kiyev”, “Dnepr Cherkasi”, “Avanqard Rivne” və “Kolos Nikopol” klublarında müdafiəçi kimi çıxış edib. O, məşqçi kimi Ukraynanın 20 yaşadək futbolçulardan ibarət milli komandasına DÇ-2019-da qələbə qazandırıb.