DÜNYA FUTBOLU

İngiltərənin “Liverpul” klubu Fransa millisinin futbolçusu Kilian Mbappenin transferi üçün cəlbedici təklif göndərəcək.
"CEMPİON.AZ" xəbər verir ki, Premyer Liqa təmsilçisi yayda azad agent statusu alacaq forvardı yüksək maaş vədi ilə sıralarına qatmaqda maraqlıdır.
Mbappe dəfələrlə “Real”a keçəcəyini açıqlasa da, mersisaydlılar onu fikrindən daşındırmağa cəhd etməyi lazım bilib. “Liverpul” Kiliana illik 30 milyon avro maaş verməyə hazırdır.
Bu, “Real”ın son təklifindən daha yüksəkdir. Lakin İspaniya nəhəngi hücumçunu artıq qışda transfer etməyi də planlaşdırır. Madridlilər bunun üçün PSJ-nin qiymətdə güzəştə gedəcəyinə ümid edir. “Liverpul” isə keçid üçün pul ödəmək fikrində deyil. Britaniyalılar ulduz hücumçunu yalnız yayda azad agent kimi əldə etməyi planlaşdırır.