DÜNYA FUTBOLU

İtaliyanın “Yuventus” klubu cari mövsümdə nə üçün uğursuzluqlar serriyasını davam etdirdiyini açıqlayıb.
"CEMPİON.AZ" xəbər verir ki, bu barədə Turin təmsilçisinin baş meneceri Mauritsio Arivabene məlumat verib:
“Bu mövsüm bizim üçün böyük oyunçu itkisi ilə başladı. Kriştiano Ronaldonun gedişi "Yuventus"u şoka saldı. Belə bir futbolçu komandadan gedəndə sarsıntılar ola bilər. Onun “Yuventus”da böyük məsuliyyəti var idi. Digər oyunçular indi daha inamlıdırlar. Onlar bu məsuliyyətin bir hissəsini öz üzərlərinə götürürlər. Oyunçular düz yoldadırlar. Onlarda komanda ruhu olmalıdır”.
Qeyd edək ki, “Yuventus” Çempionlar Liqasının V turunda “Çelsi”yə 0:4 hesabı ilə uduzaraq son 17 ildə ən ağır məğlubiyyətini alıb.