DÜNYA FUTBOLU

"Paris Sen-Jermen" futbol klubunun nümayəndələri Zinəddin Zidanla görüşüb.
"CEMPİON.AZ" xəbər verir ki, tərəflər Parisin ən dəbdəbəli otellərindən birində əməkdaşlıq perspektivlərini müzakirə etmək üçün görüşüblər. Danışıqlarda PSJ-ni idman direktoru və klubun baş meneceri Leonardo və Zidanın yaxın dostu Jan-Klod Blan təmsil edib. Müzakirələrdə məzuniyyətini kəsmək istəməyən Zidanın yayda PSJ-yə rəhbərlik edəcəyi variant təklif olunub.
Qeyd edək ki, yanvar ayından PSJ-yə argentinalı Maurisio Poçettino başçılıq edir. Onun müqaviləsi 2023-cü ilin yayına qədər qüvvədədir. Zidan ikinci dəfə "Real Madrid"in baş məşqçisi postundan gedəndən işsiz olub.