DÜNYA FUTBOLU

Leonel Messi ilin ən yaxşı futbolçusu kimi "Qızıl top"a layiq görüldüyü üçün sosial şəbəkə hesabından hər kəsə dərin təşəkkürünü bildirib.
"CEMPİON.AZ" xəbər verir ki, o, paylaşımnda "Qızıl top"a layiq görüldüyü üçün sevincli olduğunu qeyd edib:
"Kolektivi hər zaman önə çəkmiş olsam da "Ballon d'Or"u qazanmağımın sevincini də gizləyə bilmərəm. Yaşadığımız gözəl il üçün sizə təşkkür etmək, eləcə də uğurumu bütün iş yoldaşlarıma və digərlərinə ithaf etmək istəyirəm. Təbii ki, ailəmə, dostlarıma, yanımda olan, mənimlə maraqlanan və hər gün daha yaxşı performans sərgiləməm üçün mənə dəstək olan hər kəsə təşəkkürümü bildirirəm. Sizlər olmadan bu mümkün olmazdı. Sizləri möhkəm qucaqlayıram"
Bundan əlavə, o qalanı təşkil edən və "France football" nəşrinə də təşəkkürünü bildirib. 
Qeyd edək ki, Argentina millisinin kapitanı mükafatlandırma zamanı Levandovskinin ünvanına da xoş sözlər deyib:
“Levandovski ilə mübarizə aparmaqdan qürur duyuram. Robert, sən “Qızıl top”a layiqsən. Yəqin hamı mənimlə razılaşar”.