DÜNYA FUTBOLU

İngiltərənin “Mançester Yunayted” klubunun yeni baş məşqçisi Ralf Ranqnikin ilk transfer arzusu açıqlanıb.
"CEMPİON.AZ" xəbər verir ki, almaniyalı mütəxəssis “Leypsiq”in yarımmüdafiəçisi Amadu Aydarı komandasında görmək istəyir.
Klub nümayəndələri 23 yaşlı futbolçunu “Union”la Bundesliqada, “Mançester Siti” ilə Çempionlar Liqasındakı qarşılaşmada bir daha izləyəcək. İngiltərə təmsilçisi artıq qışda bu transferi reallaşdıra bilər. Onun müqaviləsindəki transfer qiyməti 40 milyon avrodur.
Ranqnik Aydarın “Leypsiq”ə keçidinin də təşəbbüskarı olub. Almaniya klubu malili yarımmüdafiəçini 2018-ci ildə onun istəyi ilə “Zalsburq”dan alıb.
Qeyd edək ki, cari mövsüm Bundesliqada 12 matça çıxan futbolçu 2 qola imza atıb.